Aane se uske aaye bahar
Jane se uske jaye bahar
Badi mastani hai, meri mehabuba
Meri zindagani hai, meri mehabuba

Gungunaye aise jaise bajate ho ghungru kahin pe
Ake parbaton se jaise girta ho jharna zamin pe
Jharnon ki mauj hai wo, maujon ki rawaani hai, meri mehabuba
Meri zindagani hai, meri mehabuba

Ban sanwar ke nikle, aye saawan ka jab-jab mahina
Har koi ye samjhe, hogi wo koi chanchal hasina
Puchho to kaun hai wo, rut ye suhaani hai, meri mehabuba
Meri zindagani hai, meri mehabuba

Is ghata ko main to usaki ankhon ka kaajal kahunga
Is hawa ko main to uska laharaata anchal kahunga
Kaliyon ka bachpan hai, phulon ki jawaani hai, meri mehabuba
Meri zindagani hai, meri mehabuba

Beet jaate hain din, kat jaati hain ankhon mein ratein
Hum na jaane kya kya, karte rahte hain apas mein baatein
Main thoda diwaana, thodisi diwaani hai, meri mehabuba
Meri zindagani hai, meri mehabuba

Saamne main sabke naam uska nahin le sakunga
Wo sharam ke maare ruthh jaye to main kya karunga
Huronki malika hai, pariyon ki rani hai, meri mehabuba
Meri zindagani hai, meri mehabuba