Aa chal ke tujhe main leke chalu, ek aise gagan ke tale
Jahaan gham bhi na ho, ansu bhi na ho, bas pyaar hi pyaar pale

Suraj ki pahali kiran se asha ka sawera jaage
Chanda ki kiran se dhulakar, ghanaghor andhera bhaage
Kabhi dhunp khile, kabhi chhaanw mile, lambi si dagar na khale

Jahaan dur najar daudaae, ajaad gagan laharaaye
Jahaan rangabirange panchhi, asha ka sandesa laaye
Sapanon mein pali, hansti ho kali, jahaan shaam suhaani dhale

Sapanon ke aise jahaan mein, jahaan pyaar hi pyaar khila ho
Hum ja ke wahaan kho jaaye, shikawa na koi gila ho
Kahi bair na ho, koi gair na ho, sab mil ke yun chalate chale